Իրանն այսօր առավոտյան մահապատժի է ենթարկել Մոսադի լրտեսի, հայտնում է երկրի դատական համակարգը։
Դատական իշխանության համաձայն՝ մահապատժի է ենթարկվել Մոսադի լրտեսը, ով Իսրայելի լրտեսական ծառայությանը փոխանցել էր տեղեկություններ նահատակված միջուկային գիտնականի վերաբերյալ։
Ռուզբեհ Վադին, ով ձերբակալվել և դատվել էր լրտեսության և սիոնիստական ռեժիմի օգտին հետախուզական համագործակցության մեղադրանքով, այսօր՝ 2025 թվականի օգոստոսի 6-ի առավոտյան, մահապատժի է ենթարկվել՝ քրեական արդարադատության բոլոր փուլերն անցնելու և Գերագույն դատարանի կողմից վճռի վերջնական հաստատումից հետո։
Գործի ապացույցների և Ռուզբեհ Վադիի ինքնախոստովանությունների համաձայն՝ նա լիովին գիտակցել է իր համագործակցությունը Մոսադի ահաբեկչական-հետախուզական ծառայության հետ և դիտավորյալ համագործակցել է Իսրայելի հետ։Այս մասին հայտնում են իրանական լրատվամիջոցները:
Հեղինակ՝ Անի Վարդանյան
.gif)
