Փարիզում տեղի է ունեցել Պաղեստինի աջակցության և Իսրայելի իշխանությունների կողմից Գազայի հատվածում ռազմական գործողությունը ընդլայնելու ծրագրերի դեմ բողոքի ակցիա, հաղորդում է TASS-ը:
Հարյուրավոր ցուցարարները հավաքվել են մայրաքաղաքի արևելյան մասում՝ Բաստիլի հրապարակում, ժամը 15:00-ից: Միջոցառման անվտանգությունն ապահովել են ոստիկանության և ժանդարմերիայի աշխատակիցները:
Որոշ ցուցարարներ գդալներով խփել են մետաղական կաթսաներին և ափսեներին՝ Գազայի հատվածում սննդի պակասի վրա ուշադրություն հրավիրելու համար: Ցուցարարները վանկարկել են «Ազատ Պաղեստին» և «Պայքար Գազայի համար» կարգախոսներ, ինչպես նաև պաստառներ են պահել՝ «Կանգնեցրեք ցեղասպանությունը», «Շտապ արգելք Իսրայելին զենքի մատակարարման վրա», «Դադարեցրեք կրակը» գրություններով: Ցուցարարներից շատերը պաղեստինյան դրոշներ են բերել։
.gif)
