ԱՄՆ նախագահ Դոնալդ Թրամփի, Վլադիմիր Զելենսկու և եվրոպացի առաջնորդների միջև երկուշաբթի օրը նախատեսված հանդիպումը պարտադիր չէ, որ հանգեցնի Ռուսաստանի հետ եռակողմ գագաթնաժողովի, հաղորդում է The Washington Post-ը՝ հղում անելով Սպիտակ տան աղբյուրին։
«Առանձին-առանձին, Միացյալ Նահանգները հույս ունի այս շաբաթվա վերջում եռակողմ հանդիպում անցկացնել Թրամփի, Ռուսաստանի նախագահ Վլադիմիր Պուտինի և Զելենսկու միջև, ասել է Սպիտակ տան պաշտոնյան, չնայած պաշտոնյան զգուշացրել է, որ պարտադիր չէ, որ երկուշաբթի օրվա հանդիպումը հանգեցնի դրան»,-գրում է թերթը։
Թերթը շեշտում է, որ անվտանգության երաշխիքների մշակումը կարող է երկար ժամանակ պահանջել։ Ամերիկյան վարչակազմում նրա աղբյուրը նաև նշել է, որ Թրամփի և Զելենսկու հանդիպմանը կմասնակցի ԱՄՆ փոխնախագահ Ջ.Դ. Վենսը։
.gif)
