ԱՄՆ ժամանած ԵՄ առաջնորդները Վաշինգտոնում կհանդիպեն Վլադիմիր Զելենսկու հետ, նախքան վերջինի՝ Սպիտակ տուն գնալը, որտեղ կհանդիպի ԱՄՆ նախագահ Դոնալդ Թրամփի հետ: Այս մասին լրագրողներին հայտնել է Եվրահանձնաժողովի մամուլի ծառայությունը:
«Եվրահանձնաժողովի նախագահ Ուրսուլա ֆոն դեր Լայենը և ԵՄ պետությունների ու կառավարությունների ղեկավարները Վաշինգտոնում նախապատրաստական հանդիպում կանցկացնեն Զելենսկու հետ՝ Թրամփին այցելելուց առաջ», – հայտնել է Եվրահանձնաժողովը։
Ավելի վաղ Եվրահանձնաժողովի ղեկավարը հայտարարել էր, որ եվրոպացիների գլխավոր նպատակն է պահպանել անդրատլանտյան միասնությունը և հասնել «արդար և արդարացի» խաղաղության «ուժի միջոցով»՝ հարգելով Ուկրաինայի տարածքային ամբողջականության սկզբունքը։
.gif)
