ArmLur.am լրատվականին ահազանգում են այն մասին, որ Պարեկային ծառայության աշխատակիցներն անօրեն պահանջներ են ներկայացնում վարորդներին: Մեզ ահազանգած քաղաքացին հայտնել է հետևյալը. ‹‹Տեխնիկական զննություն չունենալու համար՝ պարեկները վարորդներին տուգանում են, վերցնում տեխպասպորտը:
Այնուհետև՝ ժամանակավոր տեխպասպորտ են տալիս տվյալ վարորդին և 10 օր ժամանակ տրամադրում՝ տեխնիկական զննություն իրականացնելու համար, ինչից հետո վարորդը կարող է հետ ստանալի իր տեխպասպորտը››:
Մեզ ահազանգած քաղաքացին հիշեցնում է՝ Վարչական իրավախախտումների վերաբերյալ օրենսգրքով նման կետ գոյություն չունի:
‹‹Ճանապարհային երթևեկության անվտանգության ապահովման մասին օրենքով այդպիսի կետ գոյություն չունի: Որպես օրինակ՝ Երևանի բնակիչ հանդիսացող մեկը Մեղրիում տուգանվում է և գալիս է Երևանում տեխնիկական զննում իրականացնում, որից հետո պետք է նորից հետ գնա Մեղրի իր տեխպասպորտը վերցնելու համար: Սա անօրինական պահանջ է››,- հայտնեց մեզ ահազանգած քաղաքացին:
Նանիկ Աղասյան
.gif)
