Համացանցում տարածվել էր տեսանյութ Գեղամա Լեռնավահանի Աժդահակ լեռան Կարմիր Կատար խառնարանային լճից կատարվող ապօրինի ջրառի վերաբերյալ։
Տեսանյութի հիման վրա Բնապահպանության և ընդերքի տեսչական մարմնում հարուցվել է վարչական վարույթ։
Տեսչական մարմնից հայտնում են, որ վարույթի շրջանակներում իրականացվող գործողությունների ավարտից հետո կտրվի լրացուցիչ տեղեկատվություն։
Տեսանյութի վերաբերյալ ՀՀ շրջակա միջավայրի նախարարությունից հայտնում են. «2025 թվականի օգոստոսի 29-ին համացանցում հրապարակվել է Գեղամա լեռնավահանի Աժդահակ լեռան Կարմիր Կատար խառնարանային լճից կատարվող ենթադրյալ ապօրինի ջրառի վերաբերյալ տեսանյութ։
Տեսանյութը և դրա վերաբերյալ ստացված ահազանգը փոխանցվել են ՀՀ Բնապահպանության և ընդերքի տեսչական մարմին, որի հիման վրա հարուցվել է վարչական վարույթ։
Վարույթի շրջանակում իրականացվում են ուսումնասիրություններ և ստուգողական գործողություններ՝ իրավախախտման փաստի ճշգրտման նպատակով։
Վարույթի ավարտից հետո կտրվի լրացուցիչ տեղեկատվություն։
.gif)
