Լա Լիգայի օգոստոսի լավագույն ֆուտբոլիստի և մարզչի մրցանակի հավակնորդները

Իսպանական Լա Լիգան հրապարակել է 2025/2026 մրցաշրջանի օգոստոսի լավագույն խաղացողի և մարզչի հավակնորդների անունները։

Լավագույն խաղացողի համար պայքարում են Կիլիան Մբապեն («Ռեալ Մադրիդ», 3 գոլ), Լամին Յամալը («Բարսելոնա», 2 գոլ, 3 գոլային փոխանցում), Նիկո Ուիլյամսը («Ատլետիկ Բիլբաո», 1 գոլ, 2 գոլային փոխանցում), Նիկոլյա Պեպեն («Վիլյառեալ», 2 գոլ, 1 գոլային փոխանցում) և Պերե Միլյան («Էսպանյոլ», 2 գոլ)։

Լավագույն մարզչի մրցանակին հավակնում են Խաբի Ալոնսոն («Ռեալ Մադրիդ», 9 միավոր), Էռնեստո Վալվերդեն («Ատլետիկ Բիլբաո», 9 միավոր) և Մանոլո Գոնսալեսը («Էսպանյոլ», 7 միավոր)։

«Ռեալն» ու «Ատլետիկը» առաջատար են 9-ական միավորով, «Էսպանյոլը» 7 միավորով 5-րդն է։