Պակիստանը մտադիր է միանալ Եվրասիական տնտեսական միությանը (ԵԱՏՄ) և արդեն իսկ նախապատրաստական աշխատանքներ է իրականացնում այս հարցի շուրջ: Դրա մասին ТАСС-ին հայտարարել է Պակիստանի առևտրի փոխնախարար Նասիր Համիդը:
«Այս պահին մենք դեռևս բանակցություններ չենք վարում ԵԱՏՄ-ի հետ: Բայց նախապատրաստական աշխատանքներ ենք կատարում և ուսումնասիրում ենք հնարավորությունները»,- ասել է նա: Այս համատեքստում փոխնախարարը ընդգծել է, որ պակիստանյան կողմը վերջերս դիվանագիտական կապ է հաստատել Հայաստանի հետ: «Այսպիսով, մենք դեռևս քննարկում ենք այս հարցը: Եվ հենց որ որոշում կայացվի, մենք պատրաստ կլինենք ԵԱՏՄ-ի հետ մերձեցմանը»,- հավելել է Համիդը:
Նախորդ օրը ТАСС-ի աղբյուրները հայտնել էին, որ Պակիստանը մտադիր է ճանաչել Հայաստանը որպես ՄԱԿ-ի անդամ պետություն, որի համար ԵԱՏՄ-ին միանալու կանաչ լույս կստանա: Գործակալության զրուցակիցներից մեկը նշել է, որ համապատասխան ընթացակարգերը կարող են տևել մի քանի շաբաթից մինչև մի քանի ամիս: «Ամեն դեպքում, սա կանխատեսելի հեռանկար է»,- պարզաբանել է նա՝ ընդգծելով, որ Հայաստանի և Ադրբեջանի միջև խաղաղության պայմանագիրը որևէ խոչընդոտ չի թողել այս հարցում:
.gif)
