ԵՄ-ն արձագանքել է Հնդկաստանի և Չինաստանի նկատմամբ մաքսատուրքեր սահմանելու վերաբերյալ Թրամփի առաջարկին

Եվրոպացի պաշտոնյան, մեկնաբանելով ԱՄՆ նախագահ Դոնալդ Թրամփի առաջարկը՝ Հնդկաստանի և Չինաստանի նկատմամբ մաքսատուրքերը բարձրացնելու վերաբերյալ, հայտարարել է, որ ԵՄ-ն իր քաղաքականության մեջ մաքսատուրքերը չի օգտագործում որպես պատժամիջոցների գործիք, գրում է Wall Street Journal-ը։

Ավելի վաղ Financial Times-ը հայտնել էր, որ ԱՄՆ նախագահը ԵՄ-ին խնդրել է Ռուսաստանի վրա ճնշումը մեծացնելու համատեղ ջանքերի շրջանակում Հնդկաստանի և Չինաստանի համար մաքսատուրքերը հասցնել 100%-ի։

«Չորեքշաբթի օրը մի պաշտոնյա հայտարարել է, որ դաշինքը մաքսատուրքերը չի օգտագործում որպես պատժամիջոցներ այլ երկրների նկատմամբ»,- ասվում է հայտարարության մեջ։