Թուրքիայի նախագահ Ռեջեփ Թայիփ Էրդողանը հայտարարել է, որ Կատարում ՀԱՄԱՍ շարժման ներկայացուցիչների վրա հարձակումից հետո պարզ է դարձել, որ Իսրայելը սպառնալիք է դարձել համաշխարհային կարգուկանոնի համար։
«Իսրայելը տարածաշրջանում շարունակում է իր անխոհեմ բռնությունը։ Գազայի, Սիրիայի, Լիբանանի, Եմենի և Իրանի վրա հարձակումներից հետո այն հարձակվեց Կատարում Գազայի խաղաղության բանակցությունները ղեկավարող պատվիրակության վրա։ Այն փաստը, որ բանակցությունները ղեկավարող պատվիրակությունը դարձել է այս դավաճանական հարձակման թիրախ, միջազգային համակարգի և իրավունքի նկատմամբ կոպիտ մարտահրավեր է։ Սա անկախ և խաղաղասեր երկրի ինքնիշխանության կոպիտ խախտում է։ Այս հարձակումը ևս մեկ անգամ ցույց է տալիս, թե ինչ աստիճանի են հասել Իսրայելի օկուպացիան և ահաբեկչական ձգտումները։ Ամբողջ աշխարհն այժմ տեսնում է, որ Իսրայելը հստակ սպառնալիք է միջազգային կարգուկանոնի համար», – այս մասին Էրդողանն ասել է լրագրողներին՝ Կատարից վերադառնալիս։ Նրա խոսքերը մեջբերում է Anadolu գործակալությունը։
.gif)
