Սննդամթերքի անվտանգության տեսչական մարմինը հայտնում է, որ 12 անձ սուր աղիքային ախտորոշմամբ տեղափոխվել է հիվանդանոց․ Նրանք բոլորն էլ սնվել են Կոմիտաս 51 հասցեում գտնվող «Լավ-նա շաուրմա»-ում։
Քաղաքացիները հոսպիտալացվել են Ինֆեկցիոն հիվանդությունների ազգային կենտրոնում։
ՍԱՏՄ-ն նաև հայտնել է, որ արտադրական գործընթացներն տվյալ սննդի օբյեկտում իրականացվում են սննդամթերքի հիգիենային ներկայացվող սահմանված պահանջների կոպիտ խախտումներով: Ուստի՝ «Լավ-նա» շաուրմա հանրային սնդդի օբյեկտի արտադրական գործունեությունը կասեցվել է։
Առողջապահության նախարարության մամուլի քարտուղար Մարիամ Ծատրյանը մեզ հետ զրույցում նշեց, որ հոսպիտալացվածների կյանքին վտանգ չի սպառնում։
Այս պահի դրությամբ կա 8 հոսպիտալացված, որոնց առողջական վիճակը գնահատվում է միջին ծանրության, ստանում են անհրաժեշտ բուժօգնություն։
Նանիկ Աղասյան
Մանրամասները՝ տեսանյութում․
.gif)
