Բրազիլիայի նախագահ Լուիս Ինասիո Լուլա դա Սիլվան խորհուրդ է տվել Սպիտակ տան ղեկավար Դոնալդ Թրամփին լինել պատրաստ իր առջև դրված խնդիրներին, քանի որ նա ղեկավարում է աշխարհի տեխնոլոգիապես ամենաառաջադեմ և տնտեսապես ամենազարգացած երկիրը։
«Նախագահ Թրամփը պետք է իրեն պահի որպես պետության ղեկավար, որպես առաջատար տնտեսական տերության, ամենամեծ բանակի և տեխնոլոգիապես ամենաառաջադեմ երկրի պետական գործիչ», -ասել է Բրազիլիայի առաջնորդը PBS News-ին տված հարցազրույցում։
Նրա խոսքով՝ ամերիկյան վարչակազմը պետք է ավելի պատասխանատու գործի նաև արտաքին քաղաքականության մեջ և խուսափի այլ երկրների ներքին գործերին միջամտելուց։
«Ես մտահոգված եմ, որ Միացյալ Նահանգները վաղուց է աշխարհին հռչակել, որ ինքը համաշխարհային ժողովրդավարության մարմնացումն է», – ասել է պետության ղեկավարը։
Բրազիլիայի նախագահն ավելի վաղ կարծիք էր հայտնել, որ Թրամփը պետք է դադարի իրեն «աշխարհի կայսր» համարելուց և քաղաքակիրթ ձևով երկխոսություն վարի այլ երկրների հետ։
.gif)
