Վենեսուելայի արտաքին գործերի նախարար Իվան Գիլ Պինտոն հայտարարել է, որ ՄԱԿ-ի Գլխավոր ասամբլեայի 80-րդ նստաշրջանի շրջանակներում նախատեսում է հանդիպել Ռուսաստանի արտաքին գործերի նախարար Սերգեյ Լավրովի հետ։
«Մենք բազմաթիվ հանդիպումներ ունենք նախատեսված, մենք կհանդիպենք Ռուսաստանի արտգործնախարար Սերգեյ Լավրովի, Լատինական Ամերիկայի, Ասիայի և Աֆրիկայի արտգործնախարարների հետ», – ասել է Գիլը Venezolana de Televisión հեռուստաալիքին տված հարցազրույցում։
Նախարարը կարևորել է ՄԱԿ-ի կանոնադրության պաշտպանության բարեկամների խմբի նախատեսված հանդիպումը, որի մեջ մտնում են Ռուսաստանը, Չինաստանը, Իրանը, Բոլիվիան, Նիկարագուան» և այլ երկրներ:
Վենեսուելան նույնպես կմասնակցի Ամերիկայի ժողովուրդների համար Բոլիվարյան դաշինքի շրջանակներում կայանալիք բանակցություններին, նշել է Գիը:
.gif)
