Այսօր Տաշքենդում մեկնարկեց ԱՊՀ մասնակից պետությունների հիդրոօդերևութաբանության միջպետական խորհրդի 36-րդ նստաշրջանը: Այս մասին հայտնել են «Հիդրոօդերևութաբանության և մոնիթորինգի կենտրոն» ՊՈԱԿ-ից:
ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոնի» տնօրեն, Հայաստանի պատվիրակության ղեկավար և հիդրոօդերևութաբանության միջպետական խորհրդի անդամ Լևոն Ազիզյանը հանդես եկավ ողջույնի խոսքով՝ կարևորելով ԱՊՀ երկրների համատեղ ջանքերը կլիմայի փոփոխության և հաճախակի դարձած էքստրեմալ երևույթների պայմաններում:
Նա ընդգծեց ազգային հիդրոօդերևութաբանական ծառայությունների միջև գործընկերային հարաբերությունների զարգացման և փորձի փոխանակման կարևորությունը:
Նստաշրջանի ընթացքում կքննարկվեն հիդրոօդերևութաբանության, կլիմայական ծառայությունների և ռիսկերի կանխարգելման ոլորտներում համագործակցության հիմնական հարցերը:
.gif)
