Այսօր՝ սեպտեմբերի 27-ին լրանում է 2020 թվականին Ադրբեջանի սանձազերծած լայնածավալ պատերազմի հինգ տարին։ Այդ օրը վաղ առավոտյան հակառակորդը հայ-ադրբեջանական ամբողջ շփման գծի երկայնքով հարձակվեց Արցախի Հանրապետության վրա՝ կիրառելով ծանր զինտեխնիկա, հրետանի, հրթիռային համակարգեր և օդուժ։
Արցախյան 44-օրյա պատերազմը դարձավ մեր նորագույն պատմության ամենացավալի էջերից մեկը․ հազարավոր զոհեր և վիրավորներ, անհետ կորածներ, տեղահանված տասնյակ հազարավոր արցախահայեր։ Արցախն իր տարածքի մի մասը կորցրեց հենց այդ պատերազմի արդյունքում։
Այս հինգ տարիների ընթացքում զոհվածների հիշատակը ոգեկոչվում է ինչպես պետական, այնպես էլ հասարակական մակարդակով։ Նրանց անունները հավերժ մնալու են մեր ժողովրդի հիշողության մեջ։
Սեպտեմբերի 27-ը մեր համազգային օրացույցում դարձել է ոչ միայն հիշատակի, այլև վերաիմաստավորման օր, հիշեցնելով, թե որքան թանկ է խաղաղությունը և որքան կարևոր է հայրենիքի անվտանգությանը միտված հետևողական քաղաքականությունը։
.gif)
