ՏԵՍԱՆՅՈՒԹ․ Արվեստանոցը կդառնա՞ բնակելի շենք․ ի՞նչ վարկածներ են շրջանառվում Պուշկինի փողոցի հրդեհի մասով  

Երևան քաղաքի Պուշկինի փողոցի շենքերից մեկում բռնկված հրդեհից հետո համացանցը պայթեցնում են այն վարկածները, թե հրդեհը սարքված էր։ Մեղադրանքների հասցեատերը կարելի է ենթադրել, որ քաղաքային իշխանություններն են։

«Պուշկինի 4» հասցեում գտնվում է «ArtKvartal» ժամանակակից արվեստի պատկերասրահը, որը հիմնադրել են արվեստագետներ Հարություն Հովսեփյանը ու Սերո Սողոմոնյանը։

Արվեստագետներին տարածքը տվել է սեփականատերը, իսկ համացանցում ակտիվ քննարկվում է, որ այս տեղը ուզում էին քանդել և նորակառույց շենք սարքել, սակայն սեփականատերը չի վաճառել, դիտմամբ հրդեհել են։

Արվեստագետ Հարություն Հովսեփյանը ArmLur.am-ի հետ զրույցում պնդեց, որ խոսակցությունները իրականությանը չեն համապատասխանում, և եթե վաճառելու միտում լիներ, դժվար թե վերականգնվեր։

Համաձայն ՆԳՆ պաշտոնական հայտարարության՝ այրվել են շինությունը՝ տանիքով (մոտ 375 քմ), գույք և սարքավորումներ՝ մասամբ։

Արվեստագետի փաստմամբ՝ ներսում եղել են նկարներ, որոնք հասցրել են դուրս բերել։

Հարկ է նշել, որ շենքը 2021 թվականին հանվել են կառավարության 2013 թ. օգոստոսի 29-ի «Երևան քաղաքի վարչական սահմաններում գտնվող որոշ տարածքների նկատմամբ բացառիկ` գերակա հանրային շահ ճանաչելու մասին» որոշման հաստատված ցանկից։

Փոխվարչապետի պաշտոնակատար Տիգրան Ավինյանն այդ ժամանակ դեռ ասել որ, որ հաշվի առնելով պատմամշակութային հուշարձանների պահպանման հարցը, որոշում է կայացվել տվյալ հասցեները հանել կառավարության 2013թ. որոշումից: Առաջարկվել է քաղաքապետարանին քաղաքաշինական նոր սխեմա կազմել այդ հատվածում:

«Ես ուզում եմ ուղղակի հատուկ շեշտել, որ պատմամշակութային արժեք ներկայացնող նման շենքերի ձևափոխումները, քանդումը, տեղափոխումը, ընդհանուր առմամբ, ընդունելի չէ կառավարության համար»,- նշել է նա։

Կառավարության համար կարևոր պատմամշակութային արժեք ունեցող շենքի պատշաճ պահպանման համար քաղաքային իշխանությունները ոչինչ չեն արել, իսկ այսօր շենքում փլուզման վտանգ կա»։

 Էմմա Միքայելյան

Մանրամասները՝ տեսանյութում․