ՏԵՍԱՆՅՈՒԹ․ Արցախի նախկին ղեկավարների շինծու գործի քննությունը կընթանա հաջորդ շաբաթ

Արցախի նախկին ռազմաքաղաքական ղեկավարների նկատմամբ հարուցված շինծու քրեական գործերով հերթական դատական նիստն է տեղիկունենա հաջորդ շաբաթ։
Ըստ «Report»-ի՝ Բաքվի ռազմական դատարանում դատավոր Զեյնալ Աղաևի նախագահությամբ և դատավորներ Ջամալ Ռամազանովի և Անար Ռզաևի (Գյունել Սամեդովայի՝ պահեստային դատավորի) կազմով դատական ​​նիստը նշանակված է հոկտեմբերի 6-ին։

Հարկ է նշել, որ նրանք մեղադրվում են 2548 դրվագով իբր ծանր հանցագործություններ կատարելու մեջ։

Ադրբեջանի գլխավոր դատախազությունը քրեական գործեր է հարուցել օկուպացված Արցախի Հանրապետության նախկին ռազմաքաղաքական ղեկավարներից 15-ի նկատմամբ: 2023 թվականի սեպտեմբերին Արցախի Հանրապետության նկատմամբ Ադրբեջանի իրականացրած զանգվածային ռազմական ագրեսիայի հետևանքով նրանք ապօրինաբար կալանավորվել են, տարվել Բաքու։ Նրանց մեղադրանք է առաջադրվել ահաբեկչության, ահաբեկչության ֆինանսավորման, օրենքով չնախատեսված զինված կազմավորումներ ու խմբավորումներ ստեղծելու, ահաբեկչության նպատակով վարժանքներ անցկացնելու համար։

Այժմ Բաքվում ապօրինի կալանքի տակ են պահվում նախկին նախագահներ Արկադի Ղուկասյանը, Բակո Սահակյանը և Արայիկ Հարությունյանը, ԱԺ նախագահ Դավիթ Իշխանյանը, նախկին արտգործնախարար Դավիթ Բաբայանը, ՊԲ նախկին հրամանատար Լևոն Մնացականյանը, նախկին պետնախարար Ռուբեն Վարդանյանը և ԶՈՒ շտաբի նախկին պետ Դավիթ Մանուկյանը:

Էմմա Միքայելյան 

Մանրամասները՝ տեսանյութում․