Թրամփը խոստացել է արաբ առաջնորդներին, որ Իսրայելը նոր հակամարտություն չի սկսի

Սպիտակ տանը Գազայի հատվածում իրավիճակի կարգավորման ծրագրի քննարկման ժամանակ ԱՄՆ նախագահ Դոնալդ Թրամփը արաբ առաջնորդներին վստահեցրել է, որ Իսրայելը կխուսափի հետագա ռազմական գործողություններից, երկուշաբթի օրը հաղորդել է Financial Times (FT)-ը՝ հղում անելով աղբյուրներին։

«Թրամփն անձամբ երաշխավորել է արաբական երկրների ղեկավարներին, որ Իսրայելը պատերազմ չի սկսի», – ասել է թերթի աղբյուրը։

Աղբյուրների համաձայն` Իսրայելի վարչապետ Բենիամին Նեթանյահուի գլխավորած պատվիրակությունը փորձում էր ապահովել ռազմական գործողությունները վերսկսելու իրավունքը, եթե ՀAMAS-ը խախտի համաձայնագրի պայմանները, մասնավորապես՝ շարժման հրաժարումը Գազայի նկատմամբ ցանկացած տեսակի վերահսկողությունից։

Ամերիկյան կողմը, ըստ FT-ի, «բառացիորեն ասել է իսրայելցի բանակցողներին դադարեցնել ցանկացած սողանցք փնտրելը»։