ՄԱԿ-ը ողջունում է միջուկային զինանոցների վերահսկման և սահմանափակման ցանկացած ջանք, այդ թվում՝ Ռուսաստանի և Միացյալ Նահանգների միջև այս հարցի շուրջ հնարավոր երկխոսությունը։ Այս մասին հայտարարել է ՄԱԿ-ի գլխավոր քարտուղարի խոսնակ Ստեֆան Դյուժարիկը, մեկնաբանելով ԱՄՆ նախագահ Դոնալդ Թրամփի արձագանքը Ռուսաստանի նախագահ Վլադիմիր Պուտինի՝ Ռազմավարական սպառազինությունների կրճատման մասին պայմանագրի սահմանաչափերը երկարաձգելու առաջարկին։
«Մենք ողջունում ենք միջուկային զինանոցների վերահսկման և սահմանափակմանն ուղղված ցանկացած ջանք: Կարծում եմ՝ գլխավոր քարտուղարը շատ հստակ արտահայտվել է միջուկային զենքից զերծ աշխարհ տեսնելու ցանկության մասին։ Սակայն կան շատ կարևոր համաձայնագրեր, և մենք ցանկանում ենք տեսնել դրանց պահպանումը», – ասել է Դյուժարիկը։
Ավելի վաղ ԱՄՆ նախագահ Դոնալդ Թրամփը հայտարարել է, որ լավ գաղափար է համարում ՌԴ նախագահ Վլադիմիր Պուտինի առաջարկը՝ ռազմավարական հարձակողական սպառազինությունների կրճատման մասին պայմանագրի ժամկետը երկարաձգելու վերաբերյալ։
.gif)
