Արբիտրաժային դատարանը որոշում էր կայացրել և պահանջել էր Հայաստանի Հանրապետությունից՝ ձեռնպահ մնալ «Հայաստանի էլեկտրական ցանցեր» ՓԲԸ-ի ակտիվները բռնագրավել:
Ստոկհոլմի առևտրային պալատի արբիտրաժային դատարան դիմել են «Լիորմանդ Հոլդինգս Լիմիթեդ»-ը, «Տաշիր» Գրուպ»-ի սեփականատեր Սամվել Կարապետյանը, կինը՝ Էթերի Կարապետյանը, որդին՝ Սարգիս Կարապետյանը և եղբայրը՝ Կարեն Կարապետյանը:
«Հայաստանի Էլեկտրական ցանցեր» ՓԲԸ-ի 31.8%-ի իրական շահառուն Սամվել Կարապետյանն է, 29%-ինը՝ Սարգիս Կարապետյանը: Մասնակցության շղթայում «Լիորմանդ Հոլդինգս Լիմիթեդ» ընկերությունը, որը գրանցված է Կիպրոսում, ևս ներգրավված է, այդ իսկ պատճառով վերջինս ևս դիմել է արբիտրաժային դատարան։ Այս մասինգրել էր Հետքը։
ArmLur.am-ի ձեռքի տակ հայտնված փաստաթղթերը վակյում են, որ Վարչապետի աշխատակազմը «ՀԷՑ»-ի գրծով Արբիտրաժային դատարանին որպես ծախս վճարել է 199 մլն 784 հազար դրամ, այսինքն 442 հազար եվրո։
Կարապետրայանների ընտանիքը, ի դեմս «Լիորմանդ Հոլդինգս Լիմիթեդ»-ի Սամվել Կարապետյանի, Էթերի Կարապետյանի, Սարգիս Կարապետյանի և Կարեն Կարապետյանի, պետք է վճարեր 421 հազար 104 եվրո, որը համարժեք է գրեթե 189 մլն դրամի։
Վճարուման վերջնաժամկետը երեկ էր։
Արբիտրաժի նստավայրը պետք է լինի Ստոկհոլմը(Շվեդիա):
Պայմանագրում նշված է․ «Հենց որ կանխավճարները վճարվեն, Գերագույն դատարանը գործը կուղարկի Արբիտրաժային դատարան։»
Հիշեցնենք, որ գործարար, բարերար, կալանքի տակ գտնվող Սամվել Կարապետյանի պաշտպանության խորհուրդը 2025 թվականի հուլիսի 23-ին, հաղորդագրություն տարածեց, որ Սամվել Կարապետյանը և իր ընտանիքը շահել են Հայաստանի Հանրապետության կառավարության դեմ նախաձեռնած արբիտրաժային հրատապ գործը։ Հետևաբար, արտակարգ արբիտրաժի որոշումը Կառավարության կողմից ենթակա է պարտադիր կատարման։
Նշենք նաև, որ Հայաստանի Կառավարությունը հրաժարվում է կամավոր կատարել արտակարգ արբիտրի որոշումը՝ հղում կատարելով ներպետական օրենսդրությանը, այդ մասին փաստում են Կառավարության կողմից արված հայտարարությունները։
Էմմա Միքայելյան
Մանրամասները՝ տեսանյութում․
.gif)
