ՏԵՍԱՆՅՈՒԹ․ Ջերմուկի քաղաքապետը նշանակվել է Վայոց ձորի մարզպետ

Կոլյա Միքայելյանը ազատվել է Վայոց ձորի մարզպետի պաշտոնից։ Նոր մարզպետ նշանակվել է ՔՊ-ական Վահագն Արսենյանը։

Վահագն Արսենյանը նախկինում աշխատել է «Ջերմուկ Գրուպ» ՓԲԸ-ում՝ որպես հանքային և աղբյուրի ջրերի արտադրության պետ,«Էկո-Ֆարմ» ՍՊԸ-ում՝ որպես գործադիր տնօրեն, «Ջերմուկ Գրուպ» ՓԲԸ-ում՝ որպես գործադիր տնօրեն։

2021թ. հոկտեմբերի 12-ին ՀՀ վարչապետի որոշմամբ նշանակվել է Հայաստանի Հանրապետության Վայոց ձորի մարզի Ջերմուկ համայնքի ղեկավարի պաշտոնակատար:

2021 թվականի դեկտեմբերի 5ին համամասնական ընտրակարգով ընտրվել է Ջերմուկ համայնքի ղեկավարի պաշտոնում, դեկտեմբերի 17-ին ստանձնել Ջերմուկ համայնքի ղեկավարի լիազորությունները։