ՄԱԿ-ի գլխավոր քարտուղարը ողջունել է իսրայելցի պատանդների ազատ արձակումը

ՄԱԿ-ի գլխավոր քարտուղար Անտոնիո Գուտերեշը ողջունել է իսրայելցի պատանդների ազատ արձակումը և կոչ է արել կողմերին օգտագործել ներուժը և կատարել հրադադարի վերաբերյալ իրենց պարտավորությունները։

«Ես ամբողջ սրտով ողջունում եմ Գազայում պահվող իսրայելցի պատանդների ազատ արձակումը։ Ես կոչ եմ անում բոլոր կողմերին օգտվել այս ազդակից և կատարել իրենց հրադադարի պարտավորությունները՝ Գազայում մղձավանջին վերջ դնելու համար», – գրել է Գուտերեշը սոցիալական հարթակներում։

ՄԱԿ-ի գլխավոր քարտուղարը նաև նշել է, որ կազմակերպությունը աշխատում է աջակցել Գազայում հակամարտության դադարեցմանն ուղղված բոլոր ջանքերին։