Իսրայելը 15 պաղեստինցիների մարմիններ է վերադարձրել Գազայի հատված։ Ընդհանուր առմամբ, հրադադարի համաձայնագրի շրջանակներում, պաղեստինյան անկլավ է վերադարձվել 135 մարմին, հայտնել է Գազայի հատվածի առողջապահության նախարարությունը։
«Առողջապահության նախարարությունը հայտնում է, որ այսօր ստացել է 15 մահացածի մարմին, որոնք Իսրայելի օկուպացիոն իշխանությունները Կարմիր խաչի օգնությամբ հանձնել են նրանց։ Այսպիսով, մինչ օրս ստացված մարմինների ընդհանուր թիվը հասել է 135-ի։ Մարմիններից մի քանիսի վրա բռնության հետքեր են եղել», – ասվում է ՀԱՄԱՍ-ի կողմից վերահսկվող նախարարության հայտարարության մեջ։
Գազայի հատվածում հրադադարի համաձայնագիրը նախատեսում է, որ Իսրայելը կհանձնի պաղեստինյան անկլավի 15 բնակիչների մարմինները՝ մեկ մահացած պատանդի վերադարձի դիմաց։ Հոկտեմբերի 13-ից ի վեր ՀԱՄԱՍ-ը տասը իսրայելցի պատանդների մարմիններ է հանձնել Կարմիր խաչի միջազգային կոմիտեին։
.gif)
