Պաղեստինյան ՀԱՄԱՍ շարժման ղեկավարության ներկայացուցիչները ժամանել են Կահիրե՝ եգիպտացի միջնորդների հետ բանակցություններ վարելու, ասվում է արմատական խմբավորման Telegram ալիքում հրապարակված մամուլի հաղորդագրության մեջ։
Հայտարարության համաձայն՝ շարժման պատվիրակությունը գլխավորել է Գազայի հատվածում ՀԱՄԱՍ-ի առաջնորդ Խալիլ ալ-Հեյան: Եգիպտոսի մայրաքաղաք են ժամանելու նաև մի քանի պաղեստինյան խմբավորումների ներկայացուցիչներ:
Հայտարարության համաձայն՝ ՀԱՄԱՍ-ի ղեկավարությունը նախատեսում է նրանց հետ քննարկել Գազայի հատվածում «հրադադարի համաձայնագրի կատարման մոնիթորինգը»:
Հոկտեմբերի 16-ին «Ալ Հադաթ» հեռուստաընկերությունը հաղորդել է, որ մի քանի պաղեստինյան խմբավորումների, այդ թվում՝ ՀԱՄԱՍ-ի ներկայացուցիչներ հոկտեմբերի 22-ին կժամանեն Կահիրե՝ Գազայի զարգացման, մասնավորապես՝ պաղեստինյան անկլավի կառավարման համակարգի վերաբերյալ բանակցություններ վարելու համար։
.gif)
