Այսօր Էջմիածինում կսկվի նախընտրական քարոզը. ովքեր ինչ են խոստանում

Վաղարշապատ համայնքի ավագանու ընտրությունների քարոզարշավի մեկնարկը կտրվի այսօր՝ հոկտեմբերի 22-ին, որը կշարունակվի մինչև նոյեմբերի 14-ը՝ ժամը 24։00-ն։

Նոյեմբերի 16-ին Վաղարշապատ համայնքի ավագանու ընտրություններին մասնակցող քաղաքական ուժերին Խոյ և Վաղարշապատ համայնքներում տրամադրվել են գովազդային անվճար  վահանակներ՝ մինչև 5 քմ մակերեսով  քարոզչական պաստառներ տեղադրելու համար, վիճակահանությամբ էլ  բաշխել է 5 քմ-ը գերազանցող վահանակներում քարոզչական պաստառներ փակցնելու իրավունքը:

ԿԸՀ հոկտեմբերի 18-ի նիստում  վիճակահանությամբ տրվել են նաև ընտրություններին մասնակցող 8 քաղաքական ուժերի հերթական համարները:

Վաղարշապատի ՏԻՄ համամասնական  ընտրություններին առաջադրված 9 քաղաքական ուժից գրանցվել է 8-ը, իսկ  «Ազգային առաջընթաց» կուսակցությունը հոկտեմբերի 12-ին ինքնաբացարկ էր հայտնել:

Վաղարշապատ ՏԻՄ ընտրություններին գրանցվել են հետևյալ քաղաքական ուժերը․

1. «Հաղթանակ» կուսակցությունների դաշինքը՝ կազմում «Առաջ» և «Հայ հեղափոխական դաշնակցություն» կուսակցությունները –  Սևակ Խաչատրյան

2. «Համահայկական ճակատ» կուսակցությունը – Արտյոմ Սիմոնյան

3. «Հանրապետություն» կուսակցությունը – Հարություն Մկրտչյան

4. «Մայր հայաստան» ազգային-դեմոկրատական կուսակցությունը – Գրիշա Հարությունյան

5. «Ազատ դեմոկրատներ» կուսակցությունը – Վահրամ Ազատյան

6. «Ժառանգություն» կուսակցությունը – Արկադի Փայտյան

7. «Քաղաքացիական պայմանագիր» կուսակցությունը – Արգիշտի Մեխակյան

8. «Հայրենիք» կուսակցությունը – Խաչիկ Մանուկյան։

Էմմա Միքայելյան