Ուկրաինայի զինված ուժերի 16-րդ բանակային կորպուսը հայտնել է, որ ռուսական Բելգորոդի մոտ գտնվող ամբարտակը վնասվել է ուկրաինական հարվածի հետևանքով, ինչի պատճառով ջրաշիթ է առաջացել։ Դրանով կտրվել է այն ռուսական զորախմբերի կապը, որոնք անցել էին Սևերսկի Դոնեց գետը Վովչանսկի շրջանում՝ Խարկովի մարզում։
Բելգորոդի նահանգապետ Վյաչեսլավ Գլադկովը հաստատել է վնասի փաստը՝ նշելով, որ նոր հարվածի դեպքում կարող է առաջանալ ջրհեղեղի վտանգ, և բնակիչների մի մասը կարող է տարհանվել։ Այս պահին ջուրը միայն մի քանի այգետնակային տարածք է ծածկել, բնակելի տներ չեն վնասվել։
Ուկրաինական կողմի տվյալներով՝ Բելգորոդի ջրամբարի ջրի մակարդակը մեկ օրում նվազել է շուրջ մեկ մետրով, ինչի հետևանքով ջուրը լցվել է ռուսական որոշ դիրքեր, իսկ նրանց մատակարարման ուղիներն էապես բարդացել են։ Այդպիսով՝ գետի մյուս կողմում գտնվող ռուսական ստորաբաժանումները փաստացի կտրվել են իրենց հիմնական ուժերից։
.gif)
