Ֆրանսիան հայտարարել է Shein-ի կայքը ժամանակավորապես կասեցնելու մասին՝ ընկերության առաջին ֆիզիկական խանութի բացման ֆոնին Փարիզում։
Բացման օրը խանութի դիմաց հարյուրավոր գնորդներ հերթ էին կանգնել, իսկ ոստիկանությունը պահպանում էր կարգուկանոնը՝ բողոքի ցույցերի պատճառով։
Կառավարությունը քայլի է դիմել այն բանից հետո, երբ Shein-ի հարթակում հայտնաբերվել են երեխաների նման սեքս-տիկնիկներ։ Դրա պատճառով Ֆրանսիայում բացվել է դատական քննություն Shein-ի և մի շարք այլ առցանց հարթակների դեմ։
Վարչապետ Սեբաստյեն Լեկորնուի գրասենյակը հայտնել է, որ կայքը կկասեցվի, մինչև այն լիովին համապատասխանեցվի ֆրանսիական օրենքներին։ Shein-ը հայտարարել է, որ լիովին կօժանդակի քննությանը և արգելում է նմանատիպ տիկնիկների վաճառքը։
Ընկերությունը նաև ժամանակավորապես կասեցրել է երրորդ կողմի վաճառողների գործունեությունը Ֆրանսիայում։ Չնայած սկանդալին՝ Shein-ը ծրագրում է բացել ևս հինգ խանութ տարբեր ֆրանսիական քաղաքներում։
.gif)
