Բրիտանացի բժիշկը կատակել է հրեաներին գազով սպանելու մասին, որի համար ստացել է միայն նախազգուշացում

Բրիտանացի բժիշկ Մարտին Ուայթը, որը նախկինում եղել է Բրիտանական բժշկական ասոցիացիայի (BMA) ղեկավար կազմի անդամ, ստացել է միայն նախազգուշացում Մեծ Բրիտանիայի Բժշկական խորհրդից (GMC)՝ 2018 թվականին X-ում հակասեմական գրառումների համար։

GMC-ն որոշել է, որ գրառումները «ծայրահեղ վիրավորական» են, սակայն եզրակացրել է, որ դրանք բավարար հիմք չեն բժշկի գործունեությունը դադարեցնելու համար։ Որոշվել է նրան տալ պաշտոնական նախազգուշացում, որը կմնա նրա գրանցման վրա երկու տարի։

Ուայթը պնդել է, որ իր գրառումները սատիրա էին և սխալ են մեկնաբանվել․ ըստ նրա՝ ինքը ծաղրել է ծայրահեղ աջ անձանց, ոչ թե արտահայտել սեփական կարծիքը։ Սակայն հանձնաժողովը նշել է, որ այդ արտահայտությունները «կարող են խորապես վիրավորել հրեական համայնքին»։

Հակասեմականության դեմ կազմակերպությունները քննադատել են որոշումը՝ այն անվանելով չափազանց մեղմ։

BMA-ն հայտարարել է, որ Ուայթը այլևս չի կարող ներկայացնել ասոցիացիան կամ զբաղեցնել որևէ պաշտոն այնտեղ։