Լեհաստանի իշխանությունները նոյեմբերի 17-ին կվերաբացեն Բելառուսի հետ երկու սահմանային անցակետեր՝ Բոբրոունիկիում և Կուզնիցայում։ Համապատասխան հրամանը տվել է Լեհաստանի Ներքին գործերի նախարարության ղեկավար Մարցին Կերվինսկին։
«Ներքին գործերի և վարչակազմի նախարարը հրաման է ստորագրել Կուզնիցա Բիալոստոկա-Բրուզգի և Բոբրոունիկի-Բերեստովիցա սահմանային անցակետերի վերաբացման մասին», – ասվում է նախարարության կայքում տեղադրված հայտարարության մեջ։
Նոյեմբերի 17-ին լեհական կողմը կսկսի թույլատրել ավտոմեքենաների և ավտոբուսների անցումը Կուզնիցայի անցակետով, իսկ ԵՄ երկրներից և Շվեյցարիայից՝ ավտոմեքենաների, ավտոբուսների և բեռնատարների անցումը Բոբրոունիկի անցակետով, պարզաբանել է Ներքին գործերի նախարարությունը։
.gif)
