Նոյեմբերի 17-ին ԱՄՆ նախագահ Դոնալդ Թրամփը կրկին հստակեցրեց, որ ակնկալում է Ուկրաինայի հակամարտության «բավականին արագ» կարգավորում։
«Ես ուղղակի ուզում եմ, որ մարդիկ գնահատեն այն հրաշալի աշխատանքը, որը ես կատարել եմ գների իջեցման և ութ պատերազմների ավարտի գործում, և կարծում եմ, որ ևս մեկը շուտով կավարտվի», – ասել է ամերիկացի առաջնորդը՝ Սպիտակ տանը պատասխանելով լրագրողների հարցերին։
Նա չի մանրամասնել, թե որ հակամարտության մասին է խոսքը, սակայն Թրամփը նախկինում բազմիցս ակնարկել է ուկրաինական հակամարտության վերաբերյալ։
Նոյեմբերի 14-ին Թրամփը նաև հույս է հայտնել, որ Ուկրաինայում արագ կարգավորում կլինի։
«Դա տեղի կունենա։ Հուսով եմ՝ շուտով տեղի կունենա», – նշել է Սպիտակ տանղեկավարը բրիտանական GB News հեռուստաալիքին տված հարցազրույցում՝ խոսելով հակամարտության դադարեցման մասին։
.gif)
