Գյումրու քաղաքապետի՝ տնային կալանքի տակ գտնվող որդին՝ Սպարտակ Ղուկասյանը, ձերբակալվել է։
Նա սեպտեմբերի 12-ից տնային կալանքի տակ է՝ հարկադրանքի եղանակով շորթման մեղադրանքով։
Փաստաբանը դեռ մանրամասներ չի հայտնում ձերբակալման հանգամանքների մասին։ Քննչական կոմիտեից փոխանցմամբ՝ նախաձեռնված քրեական վարույթի նախաքննության ընթացքում մեկ անձի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով՝ «մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով կատարված խուլիգանությունը»։
Լրատվամիջոցների տեղեկություններով էլ՝ Սպարտակ Ղուկասյանը ձերբակալվել է երկու օր առաջ դատական նիստից հետո հնչեցրած արտահայտության համար, նրան Շիրակի մարզի քննչական բաժնի շենքի մոտից դիմակավորված ոստիկանները տարել են անհայտ ուղղությամբ։
Քնար Մանուկյան
.gif)
