Ամանորը Հայաստանում տարբեր կերպ են տոնում: Շատերը նախընտրում են այն դիմավորել տանը՝ առատ սեղանների շուրջ 12 ղողանջների ներքո, կամ էլ սիրում են մտերիմներով, ընկերներով երեկոն անցկացնել տարբեր ռեստորանային և հյուրանոցային համալիրներում, այդ թվում՝ մայրաքաղաքից հեռու:
ArmLur.am-ը Booking.com կայքում ուսումնասիրել և ձեզ է ներկայացնում, թե Ամանորից մեկ ամիս առաջ ինչպիսի արժեքներով կարող եք ձեռք բերել հուրանոցային համար Ծաղկաձորում։
Ծաղկաձորի հյուրանոցային համալիրներում բարձրակարգ հանգիստը էժան չարժե։ Օրինակ` դեկտեմբերի 30-ից մինչև հունվարի 2-ը 2 անձի համար ամենաթանկ հյուրանոցային համարները Ծաղկաձորի Alvina Tsakhkadzor հյուրանոցում արժեն 1 մլն 360 հազար դրամ, որը ներառում է բոլոր ծառայությունները, այդ թվում՝ շոգեբաղնիքը։
Alvina հյուրանոցային համալիրի մեկ սենյականոց ստուդիո-բնակարանն Ամանորին արժե 660 հազար դրամ։
King բնակարանները ամանորյա օրերին արժե 540 հազար դրամ։ Դրանք գտնվում են Ծաղկաձորում: Հասանելի են անվճար մասնավոր կայանատեղի և անվճար Wi-Fi: Հասանելի է նաև տաք լոգարան:
Marrone Hotel Tsaghkadzor հյուրանոցային համալիրում հանգիստը նշված օրերին արժի 450 հազար դրամ։ Այն առաջարկում է անվճար հեծանիվներ, այգի, համատեղ օգտագործման սրահ և տեռաս: Հասանելի են լեռնադահուկային անցագրերի վաճառքի կետ և ուղիղ մուտք դեպի լանջեր, ինչպես նաև բար և խաղատուն: Հյուրերը կարող են օգտվել 24-ժամյա ընդունարանից, օդանավակայանի տրանսֆերային ծառայությունից և համատեղ օգտագործվող խոհանոցից: Հյուրանոցի ողջ տարածքում հասանելի է անվճար Wi-Fi:
Ամանորյա հանգիստը Ծաղկաձորում նշելու ամենամատչելի տարբերակը անհատական տուն կամ քոթեջներ վարձելն է, որի արժեքը ըստ կայքի սկսվում է 45 հազար դրամից։ Առաջարկվում են նաև հյուրատներ, որտեղ դեկտեմբերի 30-ից մինչև հունվարի 2-ը մնալը արժե 100-150 հազար դրամ։
Էմմա Միքայելյան
Մանրամասները՝ տեսանյութում․
.gif)
