«Իմ նկատմամբ հարուցվել է կեղծ քրեական գործ»․ քաղաքացին խնդրանքով դիմում է ՀՀ ՄԻՊ-ին

«Բաց նամակ Հայաստանի Հանրապետության Մարդու իրավունքների պաշտպան տիկին Անահիտ Մանասյանին

Հայաստան Սևան քաղաքի բնակիչ ՀՀ քաղաքացի Նարեկ Սմբատի Սողոմոնյանից Հայտնում եմ Ձեզ, որ 2018 թվականի մարտի 31-ից առ այսօր իմ նկատմամբ իրականացվել է տարբեր տեսակի հնացագործություններ, որի վերաբերյալ ներկայացրել եմ դիմում բողոքներ ՀՀ-ի տարբեր իրավական կառույցներին առերևույթ և անհերքելի կատարված հանցագործությունների վերաբերյալ, հիմնականում իրավական կառույցներում զբաղեցրած բարձր պաշտոնյաների կողմից նախապես ծրագրավորված և իրագործված տարբեր տեսակի հանցագործությունների վերաբերյալ։ Այն, որ 2023 թվականին իմ՝ Նարեկ Սմբատի Սողոմոնյանիս, նկատմամբ հարուցվել է շինծու քրեական գործ, մինչդեռ ըստ քրեական գործում արձանագրված բովանդակության, փաստված է, որ այդ քրեական գործում տուժող ճանաչված Դավիթ Արայիկի Մուրադխանյանը գողացել է ինձ պատկանող կախազարդը, որից հետո ապակյա գնդով հարվածել է գլխիս և հնչեցրել հայհոյանքներ։ Սակայն անցել է շուրջ 22 տարի և չկա այնպիսի ապացույց, որ Դավիթ Մուրադխանյանը ենթարկվել է պատասխանատվության, չկա որևէ իրավական գնահատական նրա կողմից կատարված արարքների վերաբերյալ տվյալ վարույթում հանրային մեղադրող Պետրոս Պետրոսյանի կողմից կամ քննիչների կողմից։ Այլ, ընդհակառակը, Դավիթ Մուրադխանյանի վարքագծից դրդված, նրա հակաօրինական և հակաբարոյական վարքի դրսևորումից հետո և ելնելով բարոյականան անհամաձայնությունից իմ կողմից Դավիթ Մուրադխանյանին հակադարձ հարված հասցնելը և արնահոսությամբմ արմնական վնասվածք նրան պատճառելը կոռումպացված իրավապահ մարմինների համար շարժառիթ է դառնում իրավաբանական կեղծիքով ոչ իրավաչափ և սխալ քրեական գնահատական տալու։

Արդյունքում՝ իմ նկատմամբ մեղադրանք է ներկայացվում, որը ենթադրում է 3-4 տարվա ազատազրկում։ Սա էլ առիթ է ստեղծում դատախազ Պետրոս Պետրոսյանի համար մեզնից շորթել 7 հազար դոլար, ինձ համար կեղծել բժշկական փաստաթղթեր, որի միջոցով հնարավոր եղավ ինձ ազատել կեղծ մեղադրանքից։ Սույն բաց նամակը գրված է իմ՝ Նարեկ Սմբատի Սողոմոնյանիս, կողմից էլեկտրոնային նամակի տեսքով Ժողովուրդ օրաթերթին փոխանցելու նպատակով և, վստահելով «Ժողովուրդ» օրաթերթի անաչառությունը, խնդրում եմ որպեսզի սույն դիմում-նամակս հրապարակվի»։

Ինչպես հայտնում է Նարեկ Սողոմոնյանն՝ ինքն այս պահին գտնվում է Սևանի հոգեբուժարանում, որտեղ իրեն առավել անվտանգ է զգում։ Ինչպես նա է հայտնում՝ նշված անձանց կողմից բռնության է ենթարկվել ոչ միայն ինքը, այլև իր եղբայրը և իր մայրը։ Բռնություն կիրառող անձը, քաղաքացու խոսքով, մնացել է անպատիժ և շարունակում է սպառնալ իրեն ու իր ընտանիքին։