ՕԵԿ-ականների առաջարկը մերժվեց

ՀՀ կառավարությունն այսօր մերժեց Ազգային ժողովի պատգամավորներ Հովհաննես Մար­գարյանի, Հեղինե Բիշարյանի և Հայկ Բաբուխանյանի՝ օրենս­դրական նա­խա­­ձեռ­նու­թյան կար­­գով ներ­­կայացրած «Ճանապարհային երթևեկության անվտանգության ապահովման մա­սին» Հայաստանի Հանրապետության օրեն­քում փոփոխություն կատարելու մա­սին» Հայ­աստանի Հան­րապետության օրեն­քի նախագծի  (Պ-461-13.03.2014-ՊԱ-010/0) վե­րա­­բեր­յալ:

Հայաստանի Հանրապետության կառավարությունը նպատակահարմար չի հա­մա­րում հին (5 և ավելի տարվա արտադրության) տրանսպորտային մի­ջոցի տեխնիկական զննnւ­թյան պարբերականության ժամկետը հավասարեցնել նոր թո­ղար­կ­ված (տվյալ տարում ար­տա­դրված) տրանսպորտային միջոցի պարբերականության ժամ­կետին և գտնում է, որ տեխ­նի­կական զննության պարբերականության ժամ­կետ­­ների ավելացումները չեն նպաստում տրանս­պորտային միջոցների շահագործման ընթաց­­քում տեխնիկական և ճանապարհային երթևեկության անվտան­գու­թյան երաշխիքների ապահով­մանը:

Նախագծով անհրաժեշտ է կարգավորել՝ տեխնիկական զննության կտրոնի բա­ցա­կա­­յու­թյան դեպ­քում ով և ինչպես է իրականացնելու վերահսկողությունը տեխնիկական զննու­թյան անց­կաց­ման նկատմամբ, ինչպես նաև՝ Վարչական իրավախախտումների վերաբերյալ Հա­յաս­տանի Հանրապետության օրենսգրքով դրա հետ կապված իրավահարաբերություն­նե­րը: