Ֆրանսիայի իշխանությունները նախատեսում են արգելել ավագ դպրոցի աշակերտներին հեռախոսներ օգտագործել դպրոցներում՝ սկսած 2026 թվականի սեպտեմբերից։ Այս մասին հայտարարել է նախագահ Էմանուել Մակրոնը Միրկուրում՝ տարածաշրջանային մամուլի ընթերցողների հետ հանդիպման ժամանակ։
«Մենք հանել ենք բջջային հեռախոսները միջնակարգ դպրոցներից։ Հաջորդ ուսումնական տարվանից սկսած՝ մենք ցանկանում ենք արգելել դրանք նաև ավագ դպրոցներում», – ասել է Մակրոնը:
Պետության ղեկավարի խոսքով՝ երիտասարդ ֆրանսիացիների՝ սոցիալական ցանցերից կախվածությունը բացասաբար է անդրադառնում նրանց հոգեկան առողջության վրա։
2025 թվականի սեպտեմբերից սկսած երկրի բոլոր միջնակարգ դպրոցներում գործում է, այսպես կոչված, թվային դադարը։ Այս հաստատություններում աշակերտների կողմից հեռախոսների օգտագործումը լիովին արգելված է։
.gif)
