Հայէկոնոմբանկը 2025 թվականի նոյեմբերին 20 միլիոն ԱՄՆ դոլարի հերթական վարկային պայմանագրեր է կնքել շվեյցարական BlueOrchard Finance Ltd-ի կողմից կառավարվող միկրոֆինանսավորման ներդրումային ֆոնդերի հետ: Պայմանագրերից ստացված միջոցները կուղղվեն Հայաստանում միկրո, փոքր և միջին ձեռնարկությունների վարկավորմանը և զարգացմանը:
Հայէկոնոմբանկը BlueOrchard-ի հետ գործընկերային հարաբերություններ է պահպանել ավելի քան 10 տարի՝ կենտրոնանալով Հայաստանում միկրո, փոքր և միջին ձեռնարկությունների աճի վրա:
Կարևոր է ընդգծել, որ Հայէկոնոմբանկը 2025 թվականին վարկային պայմանագրեր և գործարքներ է կնքել մի շարք առաջատար միջազգային ֆինանսական և զարգացման կազմակերպությունների հետ՝ միկրո, փոքր և միջին ձեռնարկությունների,կանաչ և վերանգնվող էներգետիկայի, կանանց և երիտասարդների կողմից կառավարվող և այլ նախագծերի վարկավորման, ինչպես նաև առևտրի ֆինանսավորման նպատակով: Սույն փաստը հավաստում է, որ վերջիններս Հայէկոնոմբանկին դիտարկում են շարունակական համագործակցության վստահելի գործընկեր:
86 86 | aeb.am
Հայէկոնոմբանկը վերահսկվում է ՀՀ Կենտրոնական բանկի կողմից:
.gif)
