Շվեյցարական UBS բանկի ուսումնասիրության համաձայն՝ 2025 թվականի ապրիլի դրությամբ աշխարհում դոլարային միլիարդատերերի թիվը նախորդ տարվա նույն ժամանակահատվածի համեմատ աճել է 287-ով։
Սա ուսումնասիրության սկսվելուց ի վեր ամենամեծ աճն է, բացառությամբ 2021 թվականի, երբ ամբողջ աշխարհում հայտնվեց 416 նոր միլիարդատեր։
Նրանցից 91 մարդ ժառանգել է իրենց կարողությունը՝ ընդհանուր առմամբ 298 միլիարդ դոլար։ Սա նոր ռեկորդ է։ UBS-ի գնահատականների համաձայն՝ միլիարդատերերը հաջորդ 15 տարիների ընթացքում իրենց ժառանգներին կթողնեն առնվազն 5.9 տրիլիոն դոլար։
Աշխարհում կա 2919 միլիարդատեր (2545 տղամարդ և 374 կին): Նրանց համակցված կարողությունը տարվա ընթացքում աճել է 13%-ով՝ հասնելով 15.8 տրիլիոն դոլարի:
Միացյալ Նահանգներում դոլարային միլիարդատերերի կարողությունը աճել է 18%-ով՝ հասնելով 6.9 տրիլիոն դոլարի: Ամերիկացի միլիարդատերերի թիվն աճել է 89-ով՝ հասնելով 924-ի, ինչը կազմում է համաշխարհային ընդհանուր թվի 31.7%-ը: Ցուցակում ավելացել է 109 նոր անուն և 18-ը կորցրել են իրենց անունը մահվան կամ աղքատության պատճառով:
Ասիա-խաղաղօվկիանոսյան տարածաշրջանն աշխարհում միլիարդատերերի կարողությամբ երկորրդ տեղում է՝ 4.2 տրիլիոն դոլար (աճ՝ 11.1%), իսկ Եվրոպան, Մերձավոր Արևելքը և Աֆրիկան երրորդն են՝ 4.1 տրիլիոն դոլարով (աճ՝ 10.4%)։
.gif)
