Ավստրալիայի իշխանությունները հայտարարել են, որ Աուգուստա քաղաքի մոտակայքում, ծովափին դեռ չպարզված բեկորներ են ջրի հոսանքի կողմից դուրս բերվել: Ոստիկանությունը շրջափակել է այդ տարածքը, և արդեն փորձագետներն աշխատում են պարզել` այդ բեկորները որևէ կապ ունեն Malaysian Airlines-ի անհետացած Բոինգի հետ, թե ոչ:
Ինքնաթիռի օդից որոնումները կանգնեցվեցին երեքշաբթի` «Ջեք» անվանումը ստացած հզոր ցիկլոնի պատճառով:
Այնինչ տասը նավեր և ջրասույզ հատուկ ապարատը դեռ շարունակում են որոնումները:
Հիշեցնենք, որ Կուալա Լումուպրից Պեկին չվերթի «Բոինգ -777»-ն անհետացել էր մարտի 8-ին:
Ինքնաթիռում կար 239 մարդ, որոնցից 153-ը` Չինաստանի քաղաքացիներ:
Մինչև հիմա ինքնաթիռի, անձնակազմի կամ ուղևորների մասին ոչ մի հստակ ինֆորմացիա չկա, փոխանցում է bbc.co.uk-ը:
.gif)
