The Wall Street Journal-ի տվյալներով, եվրոպացի առաջնորդները վերջին օրերին կոշտ զգուշացում են փոխանցել Ուկրաինայի նախագահ Վոլոդիմիր Զելենսկիին՝ Ռուսաստանի հետ ոչ մի զիջում չանել առանց ԱՄՆ-ի հստակ և ամուր անվտանգության երաշխիքների։
Երկու եվրոպացի դիվանագետների համաձայն՝ այս ուղերձը փոխանցվել է դեկտեմբերի 1-ին տեղի ունեցած հեռախոսազրույցի ընթացքում, որին մասնակցել են Զելենսկին, Ֆրանսիայի նախագահ Էմանուել Մակրոնը, Գերմանիայի կանցլեր Ֆրիդրիխ Մերցը և Եվրոպական հանձնաժողովի նախագահ Ուրսուլա ֆոն դեր Լայենը։
Եվրոպացի առաջնորդները շեշտել են, որ Ուկրաինային տրված ցանկացած անվտանգության ապագա երաշխիքներում որոշիչ դեր պետք է ունենա ԱՄՆ-ը։ Եվրոպական մայրաքաղաքներում և Կիևում աճում է մտահոգությունը, որ Վաշինգտոնը դեռ չի հստակեցրել՝ ինչ քայլեր կձեռնարկի, եթե Ռուսաստանը խախտի հնարավոր խաղաղության պայմանավորվածությունը և կրկին հարձակվի Ուկրաինայի վրա։
Այս վերջին զգուշացումները ևս մեկ օրինակ են այն բանի, որ եվրոպացի առաջնորդները փորձում են ներգրավվել խաղաղ բանակցությունների գործընթացում, որը ԱՄՆ-ը հիմնականում վարում է Մոսկվայի և Կիևի հետ՝ Եվրոպային քիչ ներգրավելով։
.gif)
