Ավտովթար՝ Արարատի մարզում․ բախվել են «Կամազ»-ը ու «ՎԱԶ 2106»-ը

Այսօր՝ դեկտեմբերի 10-ին, ավտովթար է տեղի ունեցել Արարատի մարզում։ Ժամը 16։10-ի սահմաններում Արարատ քաղաքի Գրիբոյեդով փողոցում բախվել են «ՎԱԶ 2106» մակնիշի ավտոմեքենան և ՀՀ ՊՆ հաշվեկշռում հաշվառված «Կամազ» մակնիշի բեռնատարը։

Ինչպես հայտնում է shamshyan.com-ը, վթարի հետևանքով «ՎԱԶ 2106»-ի վարորդը տեղում մահացել է։

Վթարի մասին ոստիկանության Արարատի բաժնից տեղեկությունը փոխանցվել է ՀՀ քննչական կոմիտեի Զինվորական քննչական գլխավոր վարչության Կայազորի քննչական բաժին, որտեղից ժամանել է քննչական խումբը։

Վթարի փաստով կայազորի քննչական բաժնում նախաձեռնվել է քրեական վարույթ, որտեղ էլ պարզվում է վարորդների ինքնությունը։