Զելենսկին կմեկնի Բեռլին՝ քննարկելու ուկրաինական կարգավորման ամերիկյան ծրագիրը

Ուկրաինայի նախագահ Վլադիմիր Զելենսկին երկուշաբթի օրը կմեկնի Բեռլին՝ Գերմանիայի կանցլեր Ֆրիդրիխ Մերցի, եվրոպացի առաջնորդների և ամերիկացի պաշտոնյայի հետ հանդիպելու՝ ուկրաինական կարգավորման ԱՄՆ ծրագիրը քննարկելու համար, հաղորդում է Bloomberg-ը՝ հղում անելով իր աղբյուրներին։

Նախատեսված հանդիպումը հաստատել է Գերմանիայի կանցլերի մամուլի քարտուղար Ստեֆան Կոռնելիուսը։

Աղբյուրների համաձայն, Ուկրաինայի, Եվրոպայի և Միացյալ Նահանգների ազգային անվտանգության խորհրդականները, ինչպես սպասվում է, կբանակցեն համաձայնագրի նախագծի շուրջ՝ առաջնորդների հանդիպումից առաջ։ Սակայն, նրանք զգուշացրել են, որ «ծրագրերը կարող են փոխվել», նշում է գործակալությունը։

«Wall Street Journal»-ը, հղում անելով աղբյուրներին, հաղորդել է, որ «ԱՄՆ դեսպան Սթիվ Ուիթքոֆը այս շաբաթավերջին Բեռլինում կհանդիպի եվրոպացի առաջնորդների և Վլադիմիր Զելենսկու հետ»։