Ռուսաստանի իշխանությունները հայտնել են, որ գիշերվա ընթացքում անօդաչու սարքերի լայնածավալ հարձակումներ են տեղի ունեցել առնվազն 7 շրջաններում։ Հարվածների հետևանքով մի շարք քաղաքներում գրանցվել են էլեկտրաէներգիայի և ջեռուցման խափանումներ, իսկ Սամարայի շրջանում հրդեհ է բռնկվել աշխարհի խոշորագույն ամոնիակ արտադրողներից մեկում՝ TogliattiAzot քիմիական գործարանում։
Օրյոլի շրջանում վնասվել է քաղաքային ենթակառուցվածք, ինչի հետևանքով որոշ թաղամասերում դադարեցվել են ջեռուցումն ու տաք ջրի մատակարարումը, փակվել են դպրոցներն ու մանկապարտեզները։ Ռոստովի շրջանում վնասվել են քաղաքացիական օբյեկտներ և անջատվել է էլեկտրամատակարարումը։
Ռուսաստանի ՊՆ-ն հայտարարել է, որ գիշերվա ընթացքում խոցվել է 94 ուկրաինական ԱԹՍ, սակայն այս տվյալները անկախ աղբյուրներով չեն հաստատվել։
.gif)
