Միացյալ Նահանգները կարծում է, որ Ուկրաինայի կարգավորման հարցում առաջընթաց է գրանցվել, սակայն ամենաբարդ հարցերը դեռ պետք է լուծվեն։ Այս մասին հայտարարել է ԱՄՆ պետքարտուղար Մարկո Ռուբիոն Պետդեպարտամենտում լրագրողների հետ հանդիպման ժամանակ։
«Խոսքը բոլորին գործարք կնքելու պարտադրելու մասին չէ, այլ այն մասին, թե ինչ են երկու կողմերն ակնկալում շահել և ինչ են պատրաստ զիջել, և ինչպես կարող ենք ապահովել, որ այդ դիրքորոշումները համաձայնեցվեն։ Իհարկե, սա պահանջում է շատ ժամանակ և քրտնաջան աշխատանք։ Սա հնարավոր չէ իրականացնել լրատվամիջոցների և մամուլի ասուլիսների միջոցով։ Կարծում եմ՝ առաջընթաց է եղել, բայց մենք դեռ անելիքներ ունենք։ Ակնհայտ է, որ ամենադժվար հարցերը մնում են վերջում», – ասաց նա։
.gif)
