Միքայել սրբազանին քիչ առաջ վիրահատել են, Armenia Sputnik–ին հայտնեցին «Իզմիրլյան» ԲԿ–ից։
Հիշեցնենք, որ Միքայել արքեպիսկոպոս Աջապահյանը տեղափոխվել էր «Իզմիրլյան» բժշկական կենտրոն:
Դեկտեմբերի 15-ին Միքայել արքեպիսկոպոս Աջապահյանի գործով նիստում, Շիրակի թեմի առաջնորդն ասել էր, որ վիրահատության թույլտվություն է ստացել: Ավելի վաղ քրեակատարողական բժշկության կենտրոնն առաջարկել էր սրբազանին վիրահատել պետության հաշվին իրենց առաջարկած հիվանդանոցում, բայց արքեպիսկոպոսը պնդել էր, որ իր բժիշկն «Իզմիրլյան» բժշկական կենտրոնում է, այնտեղ էլ մտադիր է վիրահատվել:
Երկու տարվա ազատազրկման դատապարտված Աջապահյանը մեղադրվում է իշխանությունը զավթելու կոչի համար, մեղքը չի ընդունում, այն համարում է քաղաքական հետապնդում:
.gif)
