Հնդկաստանի խոշորագույն վերամշակող ընկերությունը աննկատ վերադառնում է ռուսական նավթին՝ ԱՄՆ պատժամիջոցներին հակառակ

Bloomberg-ի փոխանցմամբ՝ Հնդկաստանի խոշորագույն վերամշակող Reliance Industries-ը վերսկսել է ռուսական նավթի ներմուծումը՝ ոչ պատժամիջոցների տակ գտնվող մատակարարների միջոցով, այն բանից հետո, երբ հոկտեմբերի 22-ին ԱՄՆ պատժամիջոցների պատճառով ժամանակավորապես դադարեցրել էր գնումները։ Նավթը մատակարարվում է ընկերության Ջամնագարի (Գուջարաթ) օրական 660,000 բարել արտադրողականությամբ գործարան, որը սպասարկում է ներքին շուկան։

Reliance-ը նախկինում դադարեցրել էր գնումները «Ռոսնեֆտ»-ի և «Լուկոիլ»-ի դեմ ԱՄՆ պատժամիջոցներից հետո։ Այդ ընթացքում վերջին պայմանագրային բեռը հասել էր դեկտեմբերի 17-ին։ Այժմ ընկերությունը օգտվում է ոչ պատժամիջոցային ռուսական մատակարարներից և RusExport-ի Aframax տանկերներից, որոնք հայտնի են որպես Ռուսաստանի «ստվերային նավատորմ»։

Միևնույն ժամանակ, նույն համալիրի արտահանման վրա կենտրոնացած նավթավերամշակման գործարանը նոյեմբերի 20-ից ի վեր ռուսական նավթ չի ստացել և աշխատում է այլ հումքի աղբյուրներով։

Հնդկաստանի ռուսական նավթի ներմուծումը դեկտեմբերին, ըստ պաշտոնյաների, կկրճատվի մինչև օրական մոտ 800,000 բարել՝ նոյեմբերի 1.9 միլիոնի համեմատ, հիմնականում պատժամիջոցների պատճառով։ Reliance-ի վերադարձը շուկա կարող է մասամբ մեղմել այդ անկումը, սակայն ծավալները մնում են սահմանափակ։