Ուկրաինայի նախագահ Վլադիմիր Զելենսկին հայտարարել է, որ եթե Ռուսաստանը հրաժարվի խաղաղությունից և պատերազմը շարունակվի, ԱՄՆ-ն ու եվրոպական երկրները կշարունակեն աջակցել Ուկրաինային։ Նրա խոսքով՝ խաղաղությանը այլընտրանք չկա, սակայն այն հնարավոր է միայն Ռուսաստանի վրա դիվանագիտական ճնշման միջոցով։
Զելենսկին ընդգծել է, որ Ուկրաինան պաշտպանվում է և ագրեսոր չէ, ուստի միջազգային աջակցությունը շարունակվելու է։ Նա նշել է, որ նախկին համաձայնագրերը՝ Բուդապեշտի հուշագիրը և Մինսկի պայմանավորվածությունները, չեն գործել, ինչի հետևանքով անհրաժեշտ են իրական և ամուր անվտանգության երաշխիքներ։
Նրա խոսքով՝ ԱՄՆ-ի հետ նախատեսվում է երկկողմ անվտանգության համաձայնագիր, որը կհաստատվի ԱՄՆ Կոնգրեսի և Ուկրաինայի խորհրդարանի կողմից, իսկ եվրոպական գործընկերների հետ պայմանավորվածությունները՝ նրանց խորհրդարաններում։ Զելենսկին նաև նշել է, որ 20 կետից բաղկացած խաղաղության ծրագիրը ցանկալի է հաստատել հանրաքվեով՝ որպես ժողովրդի կամքի ամենաուժեղ արտահայտություն։
.gif)
