Համայնքային ոստիկանների համատեղ միջոցառումների արդյունքում հետախուզվող է հայտնաբերվել

Շենգավիթի բաժնի համայնքային ոստիկանները, իրացնելով ստացված օպերատիվ տեղեկությունները, Նոյեմբերյանի բաժնի ծառայողների հետ համատեղ ձեռնակած միջոցառումների արդյունքում դեկտեմբերի 27-ին Բագրատաշենի սահմանային վերահսկողության բաժնում հայտնաբերել և ձերբակալել են 2011 թվականից գողություն կատարելու մեղադրանքով հետախուզվող 52-ամյա մի քաղաքացու։ Խափանման միջոցը՝ կալանք։ Տղամարդը և կազմված փաստաթղթերը ներկայացվել են Շենգավիթի քննչական բաժին։