ԱՄՆ նախագահ Դոնալդ Թրամփը հայտարարել է, որ Սպիտակ տան բժիշկները հայտնել են, որ ինքը կատարյալ առողջական վիճակում է և երրորդ անգամ անընդմեջ հաջողությամբ հանձնել է ճանաչողական թեստը։
«Սպիտակ տան բժիշկները հայտնել են, որ ես «կատարյալ առողջական վիճակում» եմ և որ ես «հանձնել եմ» (այսինքն՝ ճիշտ եմ պատասխանել հարցերի 100%-ին) իմ երրորդ անընդմեջ ճանաչողական գնահատումը, որը ոչ մի նախագահ կամ նախկին փոխնախագահ չի համարձակվել հանձնել», – ասել է Թրամփը Truth Social-ում արված գրառման մեջ։
Թրամփը նաև հավելել է, որ ինքը խորապես համոզված է, որ ԱՄՆ նախագահի կամ փոխնախագահի ցանկացած թեկնածու պետք է հանձնի մարտահրավեր նետող, խիստ և հուսալի ճանաչողական կարողությունների թեստ։ Նա նաև նշել է, որ երկիրը չպետք է կառավարվի «հիմար կամ անգործունակ մարդկանց» կողմից։
.gif)
