Իրանը կրկին հայտնվել է զանգվածային անկարգությունների կիզակետում․ տնտեսական դժվարություններով պայմանավորված բողոքները վեցերորդ օրն են վերածվել են բաց քաղաքական դիմադրության։ Սա ամենալուրջ ճգնաժամն է 2022-ի Մահսա Ամինիի մահվան պատճառով սկսված ցույցերից հետո՝ ցույց տալով, թե ինչպես է տնտեսական դժգոհությունը արագորեն վերաճում համակարգի մերժման։
Անհանգստությունների անմիջական պատճառը ազգային արժույթի կտրուկ անկումն էր․ ռիալը հասավ պատմական նվազագույնի՝ մոտ 1.4 մլն ռիալ մեկ դոլարի դիմաց, ինչի հետևանքով թանկացան առաջին անհրաժեշտության ապրանքները։ Թեհրանի շուկաների առևտրականների բողոքներին միացան ուսանողներն ու քաղաքացիական անձինք, իսկ ցույցերը տարածվեցին Շիրազ, Սպահան, Քերմանշահ, Ֆասա և Քոմ։ «Կյանքի թանկացման» դեմ պահանջները արագ փոխվեցին քաղաքական կոչերով՝ ուղղված երկրի ղեկավարությանը։ Բախումների ընթացքում զոհվել է առնվազն վեց մարդ։
Իշխանությունները կոշտացրել են հռետորաբանությունը՝ զգուշանալով արտաքին միջամտությունից։ Միաժամանակ ԱՄՆ նախագահ Դոնալդ Թրամփը աջակցություն է հայտնել ցուցարարներին՝ նախազգուշացնելով Թեհրանին բռնության դեմ, ինչը Իրանում վերակենդանացրել է արտաքին ճնշման ու հնարավոր հարվածների վախերը։
.gif)
