Fitch Ratings միջազգային վարկանիշային գործակալությունը բարելավել է Արդշինբանկի վարկանշային հեռանկարը «կայուն»-ից «դրական»՝ հաստատելով Բանկի արտարժույթով երկարաժամկետ պարտավորություններ թողարկողի վարկանիշը (Long-term Issuer Default Rating (IDR)) և կենսունակության վարկանիշը (VR) համապատասխանաբար՝ «BB-» և «bb-»-ի:
Վարկանիշային գործակալությունը, հրապարակելով վարկանիշի իր մեկնաբանությունները, մասնավորապես ընդգծել է Բանկի ունեցած առաջատար դիրքը, ակտիվների որակի կայունությունը, կապիտալացման, իրացվելիության և շահութաբերության բարձր մակարդակը, ինչի արդյունքում Արդշինբանկի վարկանիշը համադրվում է Հայաստանի Հանրապետության վարկանիշային մակարդակին հավասար՝ որպես մասնավոր կազմակերպության վարկանիշի գնահատման հնարավոր լավագույն ցուցանիշ:
Արդշինբանկը Հայաստանի միակ ընկերությունն է, որն ունի աշխարհի երեք առաջատար՝ Standard & Poor’s, Moody’s և Fitch վարկանիշային ընկերությունների կողմից շնորհված վարկանիշ:
Բանկը վերահսկվում է ՀՀ Կենտրոնական բանկի կողմից:
.gif)
